al-mahdi.org - شبكة محبي وأنصار الإمام المهدي عج

                                              

                                العودة للصفحة الرئيسية للموقع

     

 

 
 
  الصفحة الرئيسية  سيد محمد الحسيني يا وليدي يا عبد الله - الرادود محمد الحسيني
  تمت الإضافة بواسطة : ضوء القمر ، بتاريخ : 27 08 2005 ، 12:50 AM .
يا يمه تضميني على صدرج والدمـع بالعيـن
جنتـي مـن تشوفينـي وتشيلينـي تبتسميـن
قضيت العمر أشهـر ستـة وشنهـن بيوميـن
يا محلى العمر ويـاج وتمنـى يطـول سنيـن
أحس دمي اللي بعروقي نشف يمه بشنو تحسين؟
أموت من العطش بس لا أشوفج بيا تحتاريـن
يمه عمـي العبـاس إجانـي وقبـل الشفتيـن
ووعادني يرد بالماي و وعد الحر يا يمه ديـن


يا وليدي يا عبد الله يا محلى دمـع عينـاك

خليني أودعنك هـاي آخـر ساعـه ويـاك

يا وليدي يا عبد الله يا محلى دمـع عينـاك

خليني أودعنك هـاي آخـر ساعـه ويـاك

يا يمه عطـش قلبـي يقتلنـي شبيـه السـم

خلاني دمـع عينـج حسـره علـي تبسـم

زيد لي جروحي جروح صرت أكثر أنا أتألم

يـا يمـه تخبرينـي قلبـي تـراه تهـشـم

دمع أمي تجاوبني ما تقل لي شنو اللي جرى

ليش أمي تخاطبني هاي آخر ساعـه ويـاك

؛؛؛؛؛؛؛؛؛؛؛؛؛؛؛؛؛؛؛؛؛؛

عبد الله يا بعد الروح يا يمـه حبيـب أنـت

يا بسمه على شفافي وياك أجمل عمر عشتـه

يا وليدي خذاني النوم من عيني أخذ حصتـه

روعني يا يمه الطيف لو تدري شنو الشفتـه

يا وليدي شفتها تحوم مشتاقه إلـك المـلاك

محبوبي أظنها اليوم هاي آخر ساعه ويـاك

؛؛؛؛؛؛؛؛؛؛؛؛؛؛؛؛؛؛؛؛؛؛

يا يمه نشف ثغري و دموعي بعـد نشفـت

من عندي نفذ صبري ودقات القلـب وقفـت

يا يمه أظن المـلاك أخبـار الفـرح زفـت

وتقل لي إجا العباس وعيونـه إلـي تلفـت

شن عمي على الأبواب تخيله يا يمه هنـاك

ما أريدج بعد تقل لين هاي آخر ساعه وياك

؛؛؛؛؛؛؛؛؛؛؛؛؛؛؛؛؛؛؛؛؛؛

يا وليدي يا ليت الطيف تفسيره مثل ما تقول

يا ليته قمر عدنان من جوده نصيـب تنـول

خليني أكمل لك عن حرب و زلـم وخيـول

عن نبله تصيب الجدر وعن جثة طفل مقتول

شن أبوك حسيـن يحفـر قبـرك وينعـاك

من حقي لون قلت لك هاي آخر ساعه وياك

؛؛؛؛؛؛؛؛؛؛؛؛؛؛؛؛؛؛؛؛؛؛

يا يمه صدق أرحل وأفقد رقـة الأحضـان

ويضل المهد خالي وتوسـد علـى التربـان

هاج أخذي القلب تذكار و أخذي دمعة الأجفان

سجلي عالترب بيها عبدالله انذبـح عطشـان

بعيونج أنا اقراها يا وليـدي العمـر يفـداك

خليني أودعنك هـاي آخـر ساعـه ويـاك

يا وليدي يا عبد الله يا محلى دمـع عينـاك

خليني أودعنك هـاي آخـر ساعـه ويـاك
 

العودة إلى قائمة القصائد المكتوبة

جميع الحقوق محفوظة لشبكة محبي و أنصار المهدي عليه السلام
© 1998 - 2006